أستنوا ساييني لمين ؟؟

أنا قلت هبيع ،

بس مبعتش ..

يمكن مش طبعي ،

يمكن مقدرتش ..

سامحوني لو يوم قصرت ،

وأنا مسامح 

لو يوم جرحتوني ،

أو كنت أنا الجارح .

مسامحين .. قولوا مسامحين !!

صوتكم ليه بعد ،

أنتوا فين ؟؟

مسافرين !! 

سايني لمين ؟؟

أنا قلت مش هكتب تاني حزين ،

ملحقناش نتصافى يا بني آدمين ،

أستنوا ده ما بينا سنين !!

مش قادر أنطق ولا كلمة ،

يمكن م الصدمة !

يمكن مش فاهمة !!

إزاي هتسافروا ؟؟

إزاي يخدوكوا من إيدكم 

ويقولوا خلاص مالناش هنا مكان 

طب وإزاي من بعدكم نلاقي أمان !!

لا لا مش قادرة ،

معقولة وبكل سهولة !!

هيفرقونا .. وهنتودع !!

مش قادرة أفكر . مش ينفع !!

لو ينفع نتحايل عليهم ،

نبكيلهم .. أستنوا شوية 

الدنيا مسيرها تفرقنا ،

لكن مش وقت رجوعنا ،

تاخدوا منا أرواحنا ..

مش فاهمة ولا حاجة ،
غير إني لوجودكم دايماً محتاجة ..

مش هنبعد وبإذن المولى ،
تبقى الصحبة وتبقى اللمة .. 

أستنوا ساييني لمين ؟؟

أنا قلت مش هكتب تاني حزين !!

54 : 01 am

29-7-2011

زهرة نيسآن ..

مهـــداة ♥ .. ،