السبت، 16 أكتوبر 2010

أنا فين بلادي ؟؟







الدنيا دي غريبة اوي يابا 
اغرب ما فيها البشر نفسهم
كل ما اقول فهمتهم
القى اني ولا عرفتهم


ناس غلابة وناس طيابة
الف حكاية في وشوشهم يابا
ده شايل هم ولاده
وده مش لاقي زاده

وكل يوم ابص ادور
على ضحكة صافية 
على بدر نور 
الاقي حزن ووش متكدر
الاقي هم ومزاج متعكر

وعجوز بيبكي .. مبقاش بيحكي
ماهو شاف كتير .. وشال كتير
ولو عليه .. مايقولش حاجة
بس يابا ذل الحاجة .

والتفكير
آه منه التفكير
مرض العصر الخطير
ناس ماشية تكلم نفسها
تقولك طيب هنعيش  منين ؟
ندبء .. نحوش ولا ناخد قرض
والقرض قالوا لازمله ضامن
وفوايده اضعاف اضعاف قيمته

ولحد امتى الصبح بدري
الاقي دمعة في عيون حزينة
والاقي طفل بيبيع في مترو
اتوالدوا فيه وفي قلبه كبروا
وتشوف في وشه تجاعيد كتيرة
الطفل شاب.. الطفل غاب
ماعدش فيه غير ناس كبيرة
وهموم كتيرة

وتقول لمين وتعيد لمين
ده الناس ودنين
واحدة من طين والتانية عجين
سامعني يابا 
ابنك حزين .. ابنك حزين

على حال بلاده
على فقر زاده
وتاريج جدوده
وولاد ولاده

وكله راح وكله عادي
وانا فين بلادي ؟؟
أنا مين بلادي ؟

تمت بحمد ربي ,

فـرآشة زرقـآ

12:27am
16-10-2010

هناك 10 تعليقات:

  1. الخاطرة رائعة بكل المقاييس وصفا وكلمات وأسلوب

    بجد ما شاء الله ... ودائما في تقدم

    ======

    بالنسبة لحال الناس اليوم فصار لا يسر عدو ولا حبيب

    كما يقول المثل ,, ولنكن صرحاء مع أنفسنا ونقول

    كثرت الهموم وزاد الشقاء وانتشر الفساد

    لكن علينا أن ندعو الله دائما فهو مولانا ونعم

    الوكيل

    ======

    خاطرة متميزة كما تعودنا منكِ

    وفي انتظار المزيد من الابداعات

    تقبلي مروري

    casper

    ردحذف
  2. رائعة هي كلماتك غاليتي
    صحيحة وواقعية للاسف
    تناولت بعض المشكلات المنتشرة وما خفي كان اعظم
    هدف رائع حبيبتي في اسلوب سلس بسيط
    تسلم ايدك ارق فراشة
    حبي واشتياقي
    ¥k¥

    ردحذف
  3. casper

    بشكر لحضرتك مرورك الدائم .
    وكما ذكرت ليس لنا إلا الله مولانا .

    شكراً للمرور والتعليق .

    خالص إحترامي

    ردحذف
  4. the first baby moon10/16/2010 02:29:00 م

    رائعه الخاطره حبيبتى وواقعيه جدا
    تسلم ايدك منتى

    ردحذف
  5. كارمن .

    ليست بأروع من كلماتك .
    تسلمي على مرورك الدائم .

    خالص حبي واحترامي .

    ردحذف
  6. the first baby moon

    نورتي المدونة بطلتك ،
    تسلميلي على المرور .

    خالص حبي وإحترامي .

    ردحذف
  7. مـــــــاشاء الله ..
    جميلة جدا ..
    حقيقة حسدتِ الواقع المؤلم فى هذة الكلمات الرائعة
    بالرغم من ان اسلوبها عامى ..
    الا انى سعدت جدا بقرأتها ..
    وحقيقة من يرى حال غيره
    يشكر ربه مع كل نفس يخرج منه
    الحمد لله على حالنا
    بارك الله فيكِ فراشتنا
    وادام عليكِ موهبتك ..
    تقبلى مرورى ,,
    هوبـة:)

    ردحذف
  8. Dr.Heba

    تسلميلي على المرور ,
    وفعلاً الحمدلله على كل حال .

    دمتي بكل خير .

    خالص حبي واحترامي .

    ردحذف
  9. الى حبيبت روحى الى الزهرة العاطرة الى قلب نضر واى الروح التى تفوح عطرا ونقاء فقط وبكل بساطة احبك واشتقت اليك كثيرا ونصيحتى لكى ان لا تسمحى للزمن ان يجعل من قلبك النابض قبرا ويجعل من روحك الجميلة ذبولا موحشا تحدى الزمان ايتها الزهرة ولتكونى زهرة على مر الزمان وليس فقط نيسان كما تملائين دائما حياتى بهجة ونورا وفى النهاية ادعو الله لكى ان تنعمى بالسعادة اينما كنتى...... احبك

    ردحذف
  10. قلبي يا نونو ،

    وحشاني جدا انتي ويويو :( ،

    إن شاء الله بعمل بكلامك يا توأم روحي أنتي ..

    ربنا يسعدك يا قلبي ويباركلك في يويو يارب ..

    بحبك جداً جداً .. ♥

    ردحذف

LinkWithin

Related Posts Plugin for WordPress, Blogger...